Útiklefar í Nauthólsvík

Við óskum eftir utandyra skiptiaðstöðu í Nauthólsvíkinni. Eins væri æskilegt að ein af þremur útisturtum verði gerð að sturtuklefa. Ekki þarf klefinn að vera flókin hönnun eða kostnaðarsöm. Mikilvægast er að þeir sem kjósa slíkt þurfi ekki að nota inniaðstöðuna. Bæði er hún löngu sprungin, hreinlæti ekki alltaf upp á sitt besta, ilmefni í notkun og loftgæði skert.

Við undirrituð notum Nauthólsvíkina og sjósund til heilsubóta, endurheimtar og félagsskapar, og óskum eftir því að hafa val á að nota lágmarksútiaðstöðu við þessa nátturuperlu.